Kabusor a nalimed. Nalimed a mangipangpangta ti peggad wenno mangdadael tibiag wenno salun-at dagitiumili. Panagtutudo. Kaadu ti trabaho. Mabaybay-an dagiti rugit iti aglawlaw. Agkaiwarang: nakalukat a lata, bote, goma, plastic kdpy. Dagitoy ti pakaurnongan ti danum manipud iti tudo. Dagitoy ti kaayatan a pagnaedan dagiti nalimed a kabusor ti tao. Ti nagan dagitoy a kabusor, Dengue. Dengue, maysa a klase ti lamok a napeggad. Adda sabidong a kupikop dagitoy a mabalin a mangdadael ti salun-at titao.
Awan pilpilien a biktimaen ti Dengue: ubing, nataengan. Adda dagiti maagasan; adda dagiti di makalasat manipud iti peggad – mangitunda iti ipupusay.
Cleanliness is next to Godliness. No nadalus ti aglawlaw, nasalun-at dagiti lumugar. Adayo kadakuada ti peggad nga isangbay dagiti makadangran nga insekto a kasti Dengue a klase ti lamok.
Health is wealth. No masakitka, agpaagas ka iti doctor. Kuarta a bumarbara! Kaarig na nagtakder ka iti asideg ti rengngat samo inregreg t ikuartam a bunga ti panagagawam a kas mangmangged. Kailala. No dadduma, mabaybay-an ngamin ti salun-at. Ditayo madmadlaw dagiti pagtataudan ti agbalin a sagubanit ti bagi.
It is better to prevent than cure! Daytoy ita ti nagbalin a paratignay dagiti umili gapu iti panagsasarunon ti biktima ti Dengue. Very alarming! Saan a sangapulo ngem gasuten ti kaadu dagiti nabiktima iti Dengue! Agasem daytan nga umatiperper a kuarta ti nagastos dagiti biktima! Naim-imbag ta masapulan ti kuarta, ngem ti biag, saan!
Under state of calamity t imaseknan nga ili. Maruk-atan ti calamity fund! Agas ti pakaigatanganna, anian!
Parmeken ti panagadu ti kabusor ti tao a managan iti Dengue. Aramiden ti tao, ubing, nataengan, makipagili, adipen dagiti umili: OPERATION LINIS!
Adda dagiti maisaysayangkat a fumigation. Mapaasukan dagiti lugar nga ipagarup a paglemlemmengan/pagnanaedan dagiti Dengue. Gastos dayta ni Juan de la Cruz. Ngem, adu ti agkuna a saanna a mapuglay dagiti lamok, agtalapuagaw laeng dagitoy. Bayat iti panagkatangkatang dagiti lamok, dida a makasapul iti taraonda. Mabisinanda iti bayat a panagkatangkatangda. An angry man opens his mouth and shuts up his eyes. – CATO.
Maiyataday kadi met daytoy a sinao ni Cato iti biang dagiti lamok?
Agsubli dagiti nabugiaw a lamok a sirurungsot! Bumales wenno ituloy da ti mangbiktima! Darupenda dagiti agnaed iti lugar. Adda turay ti gagemda. Awan ti makalapped, awan pilpilien da a biktimaen!
Iti biang tayo tapno mapuglay dagitoy a Dengue a pangta ti biag ken salun-at dagiti lumugar, isu daydiay OPERATION LINIS! Dalusan a nasayaat iti aglawlaw. Pakleben dagiti nakatiwangwang a bambanag/basura, tapno awan ti agbalin nga stagnant water a pagnaedan (pagitlogan) dagiti Dengue. Malagip tayo ti kuna (parparato) ni Samiris Bangloy idi: “Tapno dika agbalin a biktima ti Dengue, denggem ti kuna ti doctor!” Ti kayat a sawen daytoy a veteran journalist, saan nga iyaleng-aleng no adda dagiti pagilasinan a kinagatnaka ti Dengue, doctor ti pagkamangan, isuda ti makaibaga ti nasakitmo. Isuda ti mangipakapet iti biktima ti agas a mangpaimbag iti pasiente.
No nadalus amin ti aglawlaw, saan a maikkan iti gundaway nga umasideg dagiti kabusor!
PAGPAMPANUNOTAN: calamity is the test of integrity. – SAMUEL RICHARDSON.#
